Ny fampiakarana ny « grille indiciaire », ny fanomezana tambin-karama ary ny solon-karama ho an’ny mpianatra, ireo no mbola takian’ny fikambanan’ny mpitsabo mpanampy izay mivondrona ao amin’ny “Alliance des Paramedicaux”. Anio Alarobia amin’ny 10 ora, hanatanteraka fivoriam-be eny amin’ny hopitaly HJRA ity fikambanana ity. “Nangina izahay teo am-piandrasana ny valin’ny fitakianay. Efa nisy ihany ny vahaolana natolotra kanefa ireo ain-dehibe nangatahanay kosa tsy mbola misy tokontaniny”, hoy ny mpitondra tenin’ny fikambanana, Tsialofana ANDRIANKINANA.
Ankoatra ireo mpitsabo mpanampy dia miantso ireo mpiasan’ny fahasalamana ihany koa ny “Alliance des Paramedicaux” ho avy amin’izany fivoriana izay. “ Fotoana hampisehoana ny tsy mety rehetra eo amin’ny sehatry ny fahasalamana izao”, hoy izy.