Mifantoka amin’ny sosialim-bahoaka indray ny vinan’ny faritra Atsinanana amin’ity taona 2017 ity raha ny fampiroboroboana ny fambolena kosa tamin’ny taona lasa. Faritra mahavokatra tokoa ny faritra Atsinanana. Nambaran’ny Lehiben’ny Faritra Talata Michel fa betsaka ny vokatra azo avy amin’ny fambolena ao amin’ny faritra iadidiany no fanondrana. Mbola miaina amin’ny fomba nentin-drazana anefa ireo mpamboly ka tsy mifanaraka amin’ny fenitra takian’ny iraisam-pirenena ny kalitaon’ny vokatra. Tao anatin’izany indrindra no nikatrohana ny tetikasa ho fanatsarana ny fambolena izay niarahan’ny faritra niasa tamin’ny Normandie. “Tombony ho an’ny faritra Atsinanana ny fiaraha-miasa tamin’ny firenen-kafa satria nahafahana nampiofana ireo tantsaha ny fomba fambolena manaraka ny toetra andro ankehitriny izany”.
Tonga nanatrika ny fifampiarahabana nahatratry ny taona 2017 ny faritra Atsinanana ireo mpamatsy vola, mpiara-miasa akaiky izay notontosaina ny zoma 28 aprily 2017 lasa teo.