Andiany voalohany. Nanolotra fanomezana ho an’ireo zaza kamboty ao amin’ny fokontany Andranonahoatra sy Amboatavo ny Association La Charité de Madagascar ny 15 aogositra 2020. Ronono, fromage, mofo dipaina, vatomamy ary biscuit no nozaraina ireo ankizy kamboty ray na reny miisa 20. “Nanomboka tamin’ny 2007 dia laharam-pamehana ho an’ny fikambanana ny fanampiana ireo zaza sahirana. Isaorana manokana ireo rahalahy avy any Ihosy, Mourtaza sy Hozaifa, tamin’ny tolo-tanana nataon’izy ireo nahafahana nanampy ireto zaza kamboty eto Itaosy ireto”, hoy i Zouber Assenjee, filohan’ny fikambanana. Araka ny fanazavany hatrany dia mbola hisy ny andiany faharoa ho an’ireo mbola tsy nahazo.
Lynda A.